रामेछाप सिभिल भलिवल च्याम्पियनसिपः सुदुरपश्चिमाञ्चलले मार्यो बाजी

२० माघ, रामेछाप ।
तेस्रो रामेछाप सिभिल भलिवल च्याम्पियनसिपको उपाधि सूदुरपश्चिमाञ्चल बिकास क्षेत्रले जितेको छ । शनिबार रामेछाप जिल्ला सदरमुकाम मन्थलीको जिल्ला समन्वय समितिको कोर्टमा भएको फाइनल खेलमा अन्तिम तथा निर्णायक सेटको खेल चलिरहदा शान्तीदीप युवा क्लबले खराव प्रकाशका कारण खेल्न नमानेपछि सुदुरपश्चिमाञ्चललाई बिजयी घोषित गरीएको हो । शान्तीदीपले खेल त्याग्दा अन्तिम तथा निर्णायक सेटमा शूदुरपश्चिमाञ्चलले १२–९ को अग्रता लिएको थियो ।
त्यस अघि शान्तीदीपले पहिलो सेट र तेस्रो सेट क्रमसः २८–२६ र २५–२१ ले जितेको थियो भने शूदुरपश्चिमाञ्चलले दोस्रो सेट १५–२५ तथा चौथो सेट १७–२५ ले जितेको थियो ।
आयोजकले बारम्बार मैदानमा प्रबेश गरी खेल्न अनुरोध गर्दा समेत शान्तीदीपका खेलाडी नमानेपछि आयोजकले रेफ्रिको सल्लाहमा शूदुरपश्चिमाञ्चललाई बिजयी घोषित गरेको हो । शूदुरपश्चिमाञ्चलले उपाधिसहित एक लाख ५० हजार प्राप्त ग¥यो । शान्तिदीपले एक लाखमा चित्त बुझायो ।

प्रतियोगितामा मन्थली यूनाटेड समाजले तेस्रो स्थान हात पा¥यो । शनिबारनै भएको खेलमा नेपाल लोकतान्त्रीक खेलकुद संघलाई बेष्ट अफ फाइभको अन्तिम सेटमा पराजित गर्दै मन्थली यूनाइटेडले तेस्रो स्थान पक्का बनाएको हो ।
मन्थली यूनाइटेडले लोकतान्त्रीक खेलकुद संघलाई २५–२२, १७–२५, २५–२३, २८–२५, १५ – ९ ले पराजित ग¥यो । तेस्रो स्थानसँगै मन्थली यूनाइटेडले ५० हजार प्राप्त ग¥यो भने चौथो लोकतान्त्रीकले ३५ हजारमा चित्त बुझायो ।
प्रतियोगितामा सूदुरपश्चिमाञ्चलका तारा भट्ट उत्कृष्ट खेलाडी घोषित भए । उनले १० हजार प्राप्त गरे ।
प्रतियोगितामा नेपाल लोकतान्त्रीक खेलकुद संघका मिलन मल्ल उत्कृष्ट स्पाइकर, मन्थली युनाइटेड समाजका राजकुमार थापा उत्कृष्ट ब्लकर, शान्तीदीप युवा क्लबका घनस्याम चौधरी उत्कृष्ट सर्भर, सूदुरपश्चिमाञ्चलका दीनेश गिरी उत्कृष्ट सेटर, सूदुरपश्चिमाञ्चलका बिनोद चन्द उत्कृष्ट डिफेन्डर, सूदुरपश्चिमाञ्चलका अशोककुमार भट्ट उत्कृष्ट प्रशिक्षक घोषित भए ।

उत्कृष्ट घोषित सबै खेलाडी र प्रशिक्षकले जनही पाच/पाच हजार प्राप्त गरे ।प्रतियोगिताका बिजेता टोली तथा खेलाडीहरुलाई रामेछाप जिल्लाबाट प्रतिनिधी सभा सदस्य निर्बाचित सांसद श्यामकुमार श्रेष्ठ, प्रदेश सभा सांसद शान्ती प्रशाद पौडेल, पुर्व सांसद तथा नेकपा एमालेका केन्द्रिय सदस्य देवसंकर पौडेल, मन्थली नगरपालीकाका मेयर रमेशकुमार बस्नेत, रामेछाप जिल्ला खेलकुद बिकास समितीका अध्यक्ष पुरुशोत्तम कडरीया लगायतले पुरस्कार बितरण गरेका थिए ।