लकडाउनमा रामेछापबाट दैनिक एक सय सवारी साधनको आवतजावत
२७ वैशाख, रामेछाप ।
सरकारले लकडाउनलाई केही खुकुलो बनाएसँगै रोमछाप जिल्लाभित्र पनि विकास निर्माणको काम सुरु भएको छ । उद्योग धन्दा बैंक तथा वित्तिय संस्थाका शाखा आजबाट सञ्चालनमा आएका छन् । लकडाउनको अवधिमा अत्यावश्यकीय सवारी साधनसँगै विकास निर्माणका आयोजना सञ्चालनको लागि आवश्यक सवारी साधनहरु सञ्चालनमा छन् ।
जिल्ला प्रहरी कार्यालय रामेछापका प्रमुख डिएसपी बसन्त पाठकले दैनिक रुपमा करिब एक सय भन्दा बढी सवारी साधनहरु जिल्ला भित्र्ने र बाहिरिने गरेको रामेछाप न्युजलाई बताउनुभयो । उहाँले भन्नुभयो,‘छिमेकी जिल्लाले पनि लकडाउनलाई थप कडाई गरेको छ, अत्वश्यक सवारी साधनहरु नियमित रुपमा सञ्चालन हुँदै आएका छन, अहिले विकास निर्माणमा प्रयोग हुने सवारी साधन पनि सञ्चालनमा आएका छन् ।’