नेपालमा कोरोना संक्रमितको संख्या ९ हजार नाघ्यो

७ असार, काठमाडौं । पछिल्लो २४ घण्टामा थप ४२१ जनामा कोरोना संक्रमण पुष्टि भएको छ । यो संगै नेपालमा कोरोना संक्रमितको संख्या ९ हजार २६ पुगेको छ । आज १९४ जना कोरोना संक्रमणमुक्त भएर घर फर्किएका छन् ।

आज थपिएका संक्रमितहरुमध्ये ६४ जना महिला र ३५७ जना पुरुष रहेका छन् । हालसम्मका कूल संक्रमितहरुमा ८३० जना महिला र ८२०६ जना पुरुष रहेका छन् ।

जसमध्ये ८ जना महिला र १८६ जना पुरुष रहेका छन् । नेपालमा हालसम्म कोरोना जितेर घर फर्किनेहरुको संख्या १७७२ रहेको । आज कोरोना संक्रमणबाट १ जनाको मृत्यु भएको स्वास्थ्य मन्त्रालयका प्रवक्ता डा जागेश्वर गौतमले बताएका छन् । मृतक गुल्मीका ६९ बर्षीय पुरुष रहेका प्रवक्ता गौतमले जानकारी दिए ।