रामेछाप नगरपालिकामा पूर्ण रुपमा विद्युतीकरण

१८ भदौ, रामेछाप ।
रामेछाप नगरपालिकाभित्र पूर्ण रुपमा विद्युतीकरण भएको छ । रामेछाप नगरपालिकाको पहलमा नेपाल विद्युत प्राधिकरण विद्युतीकरण हुन बाँकी क्षेत्रमा बिजुली बत्ती बालेको हो ।
रामेछाप नगरपालिकाका नगरप्रमुख नरबहादुर थापा मगरले निर्वाचनमा नागरिकहरुसँग गरेको प्रतिबद्धता अनुसार तीन बर्षको अवधिमा नगरपालिकाको सबै क्षेत्रमा बिजुली बलेको बताउनुभयो । उहाँले रामेछाप न्युजसँग भन्नुभयो,‘नगरपालिकाको सबै वडामा बिजुली बलिसकेको छ, हाम्रो अभियानमा विद्युत प्राधिकरणले पनि पूर्ण रुपमा सहयोग गरेकाले नागरिकहरुसँग गरेको प्रतिबद्धता पुरा गर्न सक्यौ ।’

नेपाल विद्युत प्राधिकरण रामेछापका प्रमुख विनोद अधिकारीले रामेछाप नगरपालिकाभित्र विद्युतीकरणको काम मोटोमाटी सकिएको बताउनुभयो ।