रामेछापमा कांग्रेसको शक्ति प्रदर्शनः सरकार विरुद्ध आक्रोश (फोटो/भिडियो)

२९ मंसिर, रामेछाप ।
प्रमुख प्रतिपक्ष दल नेपाली कांग्रेसले सरकारको विरुद्ध आज देशभर प्रदर्शन गरेको छ । सरकार कार्यशैलीप्रति असन्तुष्टि जनाउदै कांग्रेसले देशव्यापी रुपमा सडकमा शक्ति प्रदर्शन गरेको हो । रामेछापले सदरमुकाम निकालिएको शक्ति प्रदर्शनमा सरकारको चर्को आलोचना गरिएको छ ।
मन्थलीमा आयोजित प्रदर्शनलाई पार्टी सभापति लवश्री न्यौपानेले सम्बोधन गर्नुभयो । पार्टी सचिव लेखबहादुर कार्कीले सञ्चालन गरेको कार्यक्रमलाई सम्बोधन गर्दै न्यौपानेले केपी ओली नेतृत्वको सरकार भ्रष्टाचारमा लिप्त भएको आरोप लगाउनुभयो । उहाँले भ्रष्टाचार बढनुमा सरकारको हात रहेको बताउदै नेकपा नेतृत्वको सरकारमा अनियमितताले हद नाघेको बताउनुभयो ।
कार्यक्रमा रामेछाप कांग्रेसका पूर्व सभापति रामचन्द्र पौडेल सहित धुव्र लामा, गंगा अधिकारी लगायतका नेताहरुले सम्बोधन गरेका थिए । निर्वाचनपछि रामेछाप जिल्लामा पहिलो पटक कांग्रेसले आफ्नो शक्ति प्रदर्शन गरेको हो ।