नेकपा ओली समुह रामेछापको भेलालाई सम्बोधन गर्न ईश्वर पोखरेल आउने

२१ पुस, रामेछाप ।
नेकपा केपी ओली समुह रामेछापको जिल्ला कमिटीको बैठक एवं भेला सम्बोधन लागि उपप्रधानमन्त्री एवं  केन्द्रीय सचिवालय सदस्य ईश्वर पोखरेल भोली रामेछाप आउने भएका छन् । नेकपा ओली समुह रामेछापका कार्यालय सदस्य आनन्द श्रेष्ठले बैठक एवं भेलाको सम्पूर्ण तयारी पूरा भएको बताए । उनका अनुसार मन्थलीमा हुने भेलालाई उपप्रधानमन्त्री पोखरेलले सम्बोधन गर्नेछन् ।

कार्यक्रममा बागमती प्रदेश कमिटीका सचिव आनन्द पोखरेल बागमती प्रदेशका आर्थिक मामिला तथा योजना मन्त्री एवं नेकपा रामेछापका सह–इन्चार्ज कैलाश ढुंगेल, केन्द्रीय सदस्यहरु कमल चौलागाई, माधव ढुंगेल लगायतका नेताहरुले सम्बोधन गर्ने कार्यक्रम तय भएको छ ।
यसअघि नेकपाका केन्द्रीय सदस्य समेत रहेका मन्त्री ढुंगेलले रामेछापमा पूर्व एमाले एक ढिक्का रहेको बताएका थिए ।