कोरोना संक्रमित रामेछापका श्रेष्ठको उपचारको क्रममा निधन

३ जेठ, काठमाडौं ।
कोरोना संक्रमणको कारण रामेछापका थप एक जनाको निधन भएको छ । खाँडादेवी गाउँपालिका–५ पकरवास फुल्पा निवासी विष्णु श्रेष्ठको आज निधन भएको हो ।

केही दिनअघि कोरोना संक्रमण पुष्टि भएपछि होम आइसोलेसनमा रहेका श्रेष्ठलाई स्वास्थ्यमा समस्या देखिएपछि ट्रमा सेन्टरमा भर्ना गरिएको थियो । श्रेष्ठको उपचारको क्रममा निधन भएको खाँडादेवी गाउँपालिकाका उपाध्यक्ष मखमली श्रेष्ठले रामेछाप न्युजलाइ जानकारी दिइन । श्रेष्ठ लामो समयदेखि रेष्टुरेन्ट व्यवसाय गर्दै आएका थिए ।