रामेछापमा लकडाउन फेरि एक साता थपियो, केही खुकुलो बनाउने निर्णय

१ असार, रामेछाप ।
रामेछाप जिल्लामा जारी लकडाउनको समय  थप एक साता थपिएको छ । कोभिड–१९ जिल्ला स्तरीय संकट व्यवस्थापन केन्द्र (डिसीमएसी)का अध्यक्ष समेत रहेका रामेछापका प्रमुख जिल्ला अधिकारी गौलोचन सैजूकोे अध्यक्षतामा बसेको बैठकले लकडाउनकाे अवधि असार ९ गतेसम्म थप्ने निर्णय गरेको हो । बैठकले पसल सञ्चालन गर्न थप सहज बनाउने निर्णय गरेको छ ।

बैठकमा सहभागी एक कार्यालय प्रमुखले रामेछाप न्युजसँग भने,कोरोना संक्रमण जिल्लामा बढदै गएको निष्कर्षसहित एक साता थप्ने निर्णय भएको छ, अब पसल सञ्चालनाको विषयमा थप खुकुलो बनाउने निर्णय भएको छ, ।’