यस्तो देखियो एमालेको दसौं महाधिवेशन (फोटोफिचर)

१० मंसिर, चितवन ।

नेकपा एमालेको दसौं महाधिवेशन आजबाट चितवनमा सुरु भएको छ । महाधिवेशनको उद्घाटन एमाले अध्यक्ष केपी शर्मा ओलीले रिमोटबाट झण्डात्तोलन गरी सुरू गरेका थिए । नारायणघाटको नारायणी किनारमा बनाइएको मञ्चमा उद्घाटन समारोह आयोजना गरिएको थियो । उदघाटन सत्रमा अध्यक्ष ओलीले रिमोर्ट थिचेर एमालेको झन्डा, नेपालको राष्ट्रिय झन्डा र पार्टीको चुनाव चिन्ह सूर्य अंकित झन्डात्तोलन गरेका थिए । महाधिवेशनमा देशभरबाट लाखौको संख्यामा नेता कार्यकर्ता सहभागी भएका थिए । एमालेले उदघाटन सत्रमा देशभरबाट पाँच लाख कार्यकर्ता नारायणी किनारामा ल्याउने दावी गरेको थियो ।