म रामेछापवासीको सेवा गर्न आएको हुँः डिएसपी थिङ

५ फागुन, रामेछाप ।
जिल्ला प्रहरी कार्यालय रामेछापमा आजबाट नयाँ डिएसपी राजकुमार थिङले जिम्मेवारी सम्हालेका छन् । डिएसपी नवराज ढुंगानाको सरुवा भएसँगै आजबाट डिएसपी थिङले जिम्मेवारी सम्हालेका हुन् ।
जिल्ला प्रहरी कार्यालय रामेछापले प्रदेश १ को डिआइजी कार्यालयमा सरुवा भएका ढुंगानालाई विदाई र प्रहरी प्रशिक्षण प्रतिष्ठान महाराजंगबाट सरुवा भएर आएका थिङलाई स्वागत गरिएको छ ।
जिल्ला प्रहरी कार्यालयको नेतृत्व सहालेसँगै डिएसपी थिङले नागरिकको सेवालाई केन्द्रमा राखेर काम गर्ने बताएका छन् । उनले रामेछाप न्युजसँग भने,‘म रामेछापवासीको सेवा गर्न आएको हुँ, नागरिकलाई सहज रुपमा सेवा सुविधा दिलाउनु मेरो पहिलो काम हो ।’