रामेछाप नगरपालिकाको प्रारम्भिक मतपरिणाम सार्वजनिक, एमालेको सुरुवाती अग्रता

३१ वैशाख, रामेछाप ।
रामेछाप नगरपालिकाको प्रारम्भिक मतपरिणाम सार्वजनिक भएको छ । सुरुवाती मतपरिणाम अनुसार एमालेले अग्रता गरेको छ । नगरपालिकाको वडा नम्बर १ गोठगाउँको मतगणना हुँदा एमालेबाट नगरप्रमुखका उम्मेदवार रोशन पाख्रिनले १४८ मत ल्याउदा कांग्रेसबाट नगरप्रमुखका उम्मेदवार लवश्री न्यौपानेले १२८ मत ल्याएका छन् । त्यसैगरी माओवादीबाट नगरप्रमुखका उम्मेदवार नरेशबाबु श्रेष्ठले १६ मत प्राप्त गरेको निर्वाचन अधिकृतको कार्यालय रामेछापले जनाएको छ । अहिले पनि गोठगाउँको मतगणना जारी छ ।