एमाले रामेछापका नेता कार्कीको निधन

५ असार, काठमाडौं ।
नेकपा एमाले रामेछापका नेता चित्र बहादुर कार्कीको निधन भएकोे छ । काठमाडौंको अन्नपूर्ण न्युरो अस्पतालमा उपचारको क्रममा उनको निधन भएको हो । रामेछाप उमाकुण्ड गाउँपालिका निवासी कार्की केही समय अघि स्वास्थ्यमा समस्या आएपछि कार्की अस्पताल भर्ना भएका थिए ।

एमाले बामगती प्रदेश कमिटी सदस्य एवं २०५४ सालको स्थानीय निर्वाचनका पूर्व गाविस अध्यक्ष भएका कार्की लामो समयदेखि एमालेको राजनीतिमा सक्रिय रहदै आएका थिए । एमाले रामेछापका जिल्ला इन्चार्ज कैलाश ढुंगेलले कार्कीको निधनले पार्टीलाई अपुरणीय क्षति भएको बताए । उनले दुःखको यस घडीमा आफन्तजन एवं परिवारजनमा गहिरो समवेदना प्रकट गरेका छन् ।