चट्याङ लागेर घाइते भएका आमाछोरीको उपचारमा खर्च अभाव,सहयोगको अपिल

९ वैशाख, रामेछाप ।
चट्याङ लागेर घाइते भएका मन्थली नगरपालिका–३ कठजोर निवासी आमाछोरीको उपचारमा खर्च अभाव भएको छ । हिजो दिउसो एक्कासी चट्याङ लागेर घाइते भएकी ४० बर्षिय सुमित्रा कार्की र १० बर्षिय छोरी सरिता कार्कीको उपचारमा खर्च अभाव भएको हो । हिजो मन्थली अस्पतालमा प्राथमिक उपचार मार्फत थप उपचारका लागि काठमाडौंको किर्तिपुर अस्पतालमा उपचार भइरहेको छ ।

परिवारका सदस्यले उपचार गर्न आर्थिक अवस्था निकै कमजोर भएको बताएपछि वडा कार्यालयबाट पनि सहयोगको गर्न आग्रह गरिएको छ । आमाछोरीको उपचारका लागि आवश्यक पर्ने रकम संकलन गर्नको लागि रामेछाप–काठमार्डाै सृजनशिल समाज र रामेछापका सहयोगी मनहरुले आर्थिक अभावको कारण उपचारबाट बञ्चित हुनु नपरोस भनेर सहयोग आह्वान गरेका छन् ।