सांसद कान्छारामको ससंदमा पहिलो सम्बोधनः अर्थमन्त्रीज्यू रामेछापमा खानेपानीका लागि बजेट चाहियो

२६ जेठ, रामेछाप ।
रामेछापका प्रतिनिधिसभा सांसद पूर्णबहादुर तामाङ कान्छारामले पहिलो पटक संसदको रोष्टममा उभिएर सम्बोधन गरेका छन् । सरकारले ल्याएको बजेटमाथिको छलफलमा भाग लिदै उनले बजेटको समर्थन गर्दै रामेछापमा खानेपानीका लागि बजेट आवश्यक रहेको बताए ।
सांसद तामाङले भने, रामेछापमा १ लाख ८९ हजार मतदाता छन् ।

मेरो जिल्लामा छ वटा गाउँपालिका दुई नगरपालिका र ६४ वटा वडा रहेको छ । सरकारले रामेछापलाई खानेपानीको सुख्खा क्षेत्रको रुपमा घोषणा गरेको छ, मैले सुने अनुसार खानेपानी आयोजनाका लागि पर्याप्त बजेट छैन, अर्थमन्त्रीज्यू, रामेछापवासीका लागि खानेपानी चाहिएको छ, बजेटको व्यवस्था गरिदिनु होला ।’