रामेछापको च्यास्कुमा आगलागीः पाँच वटा घर जलेर नष्ट, गोठ पनि खरानी
९ वैशाख, रामेछाप ।
रामेछाप नगरपालिका–६ च्यास्कु स्थित नगटी बौद्ध सामुदायिक वन र बज्रकालिन फोक्किसङ सामुदायिकवनमा आगलागी हुदा हावाहुरीको कारण जंगल नजिकै रहेको दुई वटा घरमा आगलागी हुँदा घर जलेर नष्ट भएको छ । दुई वटा घर र सँगै रहेको दुई वटा गोठ पनि पूर्ण रुपमा लेजेको छ । आगलागीमा परी मानविय क्षति हुनबाट भने जोगिएको छ ।
![](https://www.ramechhapnews.com/wp-content/uploads/2024/04/418791d1-bd54-41b9-9de5-bcbc4c8497ea-667x500.jpg)
त्यसैगरी रामेछाप नगरपालिका–३ ठाडोखोलामा रहेको जङ्गलमा भएको आगलागी हावाहुरीको कारण अचानक मानव वस्तीमा फैलदा तीन वटा घर जलेर पूर्ण रुपमा नष्ट भएको जिल्ला प्रहरी कार्यालय रामेछापले जनाएको छ । रामेछाप जिल्लाका विभिन्न स्थानमा आगलागीको घटना बढदै गएको छ ।
![](https://www.ramechhapnews.com/wp-content/uploads/2024/04/87365ade-bed4-4815-b442-bbfbe1c4e38d-667x500.jpg)