संसदमा एमाले–कांग्रेसका सांसदहरुबीच धकेलाधकेल
३ जेठ, काठमाडौं । प्रतिनिधिसभा बैठकमा सत्तापक्ष नेकपा एमाले र प्रतिपक्ष नेपाली कांग्रेसका सांसदहरुबीच धकेलाधकेल भएको छ । सभामुख देवराज घिमिरेले नेपाली कांग्रेसको नाराबाजीका बीच गृहमन्त्री रवि लामिछानेलाई बोल्न समय दिएपछि विवाद हुँदा एमाले र कांग्रेसका सांसदहरुबीच धकेलाधकेल भएको हो ।
![](https://www.ramechhapnews.com/wp-content/uploads/2024/05/440835550_426004960187970_9151374753497667496_n-750x500.jpg)
सभामुखले गृहमन्त्रीलाई समय दिँदा कांग्रेस सांसदहरुले वेल घेराउ गरिरहेका थिए । त्यही बेला सत्तारुढ सांसदहरु उठेर गृहमन्त्रीलाई बोल्न दिनुपर्ने माग गरेका थिए । कांग्रेस सांसदहरु गृहमन्त्री रोष्ट्रम जाने बाटो छेक्न उनको कुर्सी नजिकै पुगेर नाराबाजी गर्न थाले । त्यही बेला नेकपा एमालेका अध्यक्ष केपी शर्मा ओली र अरु सांसदहरुले लामिछानेलाई रोष्ट्रममा जान आग्रह गरे । एमाले अध्यक्ष ओलीले नाराबाजी गरिरहेका कांग्रेस उपसभापति धनराज गुरुङलाई केही भनेको भिडियोमा देखिन्छ । सत्तापक्ष र विपक्षी सांसदहरुबीच धकेलाधकेल सुरु भएपछि सभामुख घिमिरेले गृहमन्त्री लामिछानेलाई आसन ग्रहण गर्न आग्रह गरे र संसद बैठक स्थगित गरेका थिए ।
![](https://www.ramechhapnews.com/wp-content/uploads/2024/05/440867478_435742302501730_8100183309472380153_n-750x500.jpg)
![](https://www.ramechhapnews.com/wp-content/uploads/2024/05/440777932_431246076328534_1104988771811477782_n-750x500.jpg)
![](https://www.ramechhapnews.com/wp-content/uploads/2024/05/441015364_748109230854472_4139664729402061498_n-750x500.jpg)