रामेछाप सिभिल च्याम्पियनसीप प्रतियोगीताः सुदुर र शान्तिदीप क्लव सेमिफाइनमा प्रवेश

१९ माघ, रामेछाप ।
सुदुर पश्चिमाञ्चल विकास क्षेत्र, शान्तिदिप युवा क्लब, लोकतान्त्रीक खेलकुद संघ रामेछाप र मन्थली युनाइटेड तेस्रो रामेछाप सिभिल भलीबल च्याम्पियनसीपको सेमिफाइनलमा प्रबेश गरेका छन् ।

शुक्रबार भएको क्वार्टरफाइनल खेलमा मध्यपश्चिमाञ्चललाई २५–१९, २५–१४, २५ –११ ले पराजित गर्दै सुदुर पश्चिमाञ्चल प्रतियोगिताको अन्तिम चारमा पुगेको हो । लोकतान्त्रीक खेलकुदले भने नमुनादिप युवा क्लबलाई २०–२५, २५–२७, २५–२०, २५–१४, १६ –१४ ले हरायो । पूर्वाञ्चललाई २९–३१, २५–२०, २५–२०, २५ –१८ ले हराउदै शान्तिदिप पनि सेमिफाइनलमा पुग्यो ।

मन्थली युनाइटेडले भने हिमगंगा रामेछापलाई २५–२१, २५–२३, ३०–३० ले पराजित गर्दै सेमिफाईनलमा यात्रा पक्का बनायो । त्यसअघि बिहिबार नै भएको समुह चरणको अन्तिम खेलमा लोकतान्त्रीक खेलकुद संघलाई २७–२५, २५–१८, २५–१९ ले हराउदै युनाइटेड समुह बिजेताको रुपमा क्वार्टरफाइनलमा चरणमा पुगेको थियो ।
लिगकम नकआउटका आधारमा जारी प्रतियोगिताअन्र्तग शनिबार अन्तिम दिन सेमिफाइनल र फाइनल खेलहरु हुने प्रतियोगिता संयोजक सिताराम कार्कीले जानकारी दिए ।

प्रतियोगिताको उपाधि विजेता टोलीले एक लाख ५० हजार तथा उपबिजेता टोलीले एक लाख पाउने छन् । यसैगरी तेस्रो हुने टोलीले ५० हजार तथा चौथो हुने टोलीले ३५ हजार प्राप्त गर्ने छ । प्रतियोगिताका सर्बाेत्कृष्ट र बिधागत उत्कृष्ट घोषित हुने खेलाडीले पनि पुरस्कार पाउने छन् ।